Filipino Native Food · Kakanin

Paano magluto ng Ube Biko

Loading...
Photo by @littlemisschef04

Ingredients:
1 kilo glutinous rice or malagkit na bigas
1/2 cup sugar
2 cups gata
1 tbsp ube food color
1 tbsp ube flavor

½ cup ube powder/jam (optional but recommended)

pinch of salt

Water (para sa sukat ng tubig: tignan ang instructions sa baba)


Instructions:

Ihanda ang aluminum tray na paglalagyan ng biko or serving pan. Pahiran ang buong paligid ng mantikilya. Isantabi muna.

Gumamit ng isang malaking kaldero or pot. Bilangin at takalin ang 1 kilo malagkit rice sa cups, hugasan ang malagkit rice at saka lagyan ng tubig kung ilang takal ang nagawa ay sya ring sukat ng tubig. Dagdagan ito ng pa-sobrang tubig na kalahating tasa.

Lutuin ang malagkit rice kagaya ng procedure sa pagsasaing. Pakuluan at takpan ang kaldero, antayin kumulo at saka hinaan ang apoy. Ngunit ito ay dapat halu-haluin paminsan minsan upang hindi manikit sa iyong kaldero at maiwasan ang pagkasunog sa ilalim. Lutuin ito sa mababang apoy lamang habang niluluto naman ang coconut at ube mixture.

Paraan sa coconut at ube mixture:

Samantala, sa isang kawali ibuhos ang coconut milk at hayaan itong kumulo. Idagdag ang asukal at haluin ito hanggang sa matunaw. Ilagay ang ube powder or jam at lutuin sa loob ng 5-7 minuto. At saka idagdag ang ube flavor or pampalasa ng ube, ube food coloring at kurot ng asin. Haluin ito hangang sa maging malapot na.

Kapag malapit ng matuyuan ng tubig ang malagkit rice na niluluto sa kabilang kalan ay saka ibuhos ang pinalapot na coconut ube mixture sa niluluto na kaldero ng malagkit rice.

Haluin ito ng maigi hangang sa lumapot ang mixture at umaangat na sa kaldero tuwing hinahalo. Nakakangalay ito sa braso, kaya konting tiis lang at halo lng ng halo. Maari mo ng patayin ang apoy kapag umaangat na sa kaldero ang malagkit tuwing hinahalo. Isalin ito sa hinandang tray at pantayin ang pagkakalapat. Budburan ng toasted coconut or Budbud or maari din ang ginagad na keso.

Paano gumawa ng Budbud

1/4 cup ginayat or sapal ng niyog. Pwede rin gumamit ng dessicated coconut if walang niyog. Itoast sa pan at lagyan ng 1 tbsp brown sugar.

Serve and enjoy!

 

Source

Photo

Facebook Comments
Paano magluto ng Ube Biko
4 (80%) 2 votes

Leave a Reply